تسجيل
نصوص باللهجات المحكية

يا ابني..

وقت القراءة : 2 د
قُرِأ النص 292 مرة
0 تعليقات

يا ابني ما تصدق حدا..
لما لو وطن ما لو حدا..
ما تصدق غربي بيحميك..
ان ما عطيتو ما بيعطيك..
بلدك،وطنك،شرفك،عرضك،
هوني بيحضنو خليك..
انْ ضاقت فيك كل الدني،
كل بيوتو بتلفيك،
ما رح تغفا بلا غطا،
سما بلادك بتغطيك..
بلدنا يممي مش غلطة،
ما تخليهن يلعبوا فيك..
هني الغلطة و هني الذنب،
و هني الحقد و هني الحرب،
بلدك حقك،ورتة اهلك،
ما تروح لهون و هونيك..
شوارع المدينة الك،
الثمر البجنيناتو الك
لهوا الجبل البحر السهل،
و كل حبة من ترابو الك..
الجيوش العلى ارضو فلوا..
و كل مين بيجرب يحتلو،
رح يطلع متخبي بذلو..
لانو جدودك يا ابني،
سقوا ترابو بدماتن،
تيخلوا وطنك بمحلو..
لما بتعرف معنى الوطن،
ولو كانت ورتتكن خربة،
انت و رفقاتك بتخلوا..
الخربة مطرح متل الجنة،
تليق برفقاتك و فيك..

ساعد الكاتب في تطوير مهاراته الكتابية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *