تسجيل
نصوص باللهجات المحكية

بنكهة حب

وقت القراءة : 2 د
قرِأ النص 140 مرة
التعليقات : 0 تعليق

بالمرات الي انكسرت فيهن.. ماصرت بعدن أقوى ولا تحسنت او اكتسبت مناعة..
تغيرت.. بس التغير اني صرت هشة اكتر لأحمي حالي من الكسر..وهيك صرت اتفتت بسرعة .
بالرغم انك استكمال لحلقة مشاكلي اليومية وجزء من دارة اللاستقرار الي عايشة فيها ..بس وجودك دايما عاطي نكهة لكلشي حتى للمعاناة !
بتذكر المرة الي قلتلك فيها اني مو مدايقة من شي واني رضيانة بكلشي ؟!

اي وقتا اكتر مرة كنت تعبانة فيها وعم اعمل اني قوية وهيك قام تعبت اكتر بعدا ومرضت يمكن …

هلق بعد ماغربتك الحرب بسألك كيفك بتقلي تمام؛ بتقلي كيفك بقلك تمام !

تمام انو نكون تمام رغم انو الوضع حوالينا مش تمام ..

بتذكر لما بعتلك بآخر مكتوب ( حبي لك تربة خصبة لزراعة كل ماهو جميل )

هالموسم مافي مطر كتير ماقدرت ازرع غير كم غنية صغيرة حزينة ..

ناطرين .. يغيب قمر الحنين

بلكي ..

برد الصوت للحكي .. برد الفرح للقلب الحزين !

ساعد الكاتب في تطوير مهاراته الكتابية

نُشرت بواسطة Aisha

Aisha

التائهة في فوضى الحرب والحب .. الهائمة في جمال التفاصيل البسيطة .. الغارقة في تناقضات الكيان الصغرى .. والكاتبة عن نبضات الحب الكبرى ..

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *