تسجيل
نصوص باللهجات المحكية

البسطاء يستمتعون أكثر

وقت القراءة : 2 د
قُرِأ النص 1032 مرة
0 تعليقات

البساطه بتدي قيمة ومعنى لأي شيء حتى لو قليل اوي .. إنك تكون سعيد ومنشكح بأقل حاجة دي مش معناها سذاجه دي بساطه .. الناس الشعبية البسطاء دول أكثر ناس بيستمتعوا بأقل حاجة،

أنا مش قادر أحدد السبب وراء ده لغاية دلوقتي بس أنا شخصيا لما بروح أي مكان او تجمع بيجمع بين الناس البسطاء وبين نجوم المجتمع – ولو أن الاماكن دى قليلة جدا بسبب ‏الفجوة الثقافية اللي بلدنا فيها – 

بحس أن البسطاء الشعبين دول مبسوطين أوي ، ممكن علشان حياتهم فيها عقبات اكثر فبيقدروا يستمتعون بأقل الأشياء .. !  أنا بحاول على قد ما اقدر مكنش منساق ورا الشعبيات وخلاص ؛ علشان دي اسهل سكة

 معظم الناس بتمشي فيها لما بتكون عايزة تعمل دراما او تشويق وعايزة تعطي معنى للأشياء .. و ده بيدل على كلامي أكثر وهو أن بساطتهم بتخلي حياتهم شيقه اكثر وفيها احداث اكثر 

 حتى أنا شخصيا لما بقى وسط البسطاء بقى على راحتي ومش شايل هم حاجة ، ببقى بسيط زيهم .. 

 لكن لما ببقى وسط نجوم المجتمع – مش عايز اديهم مسمى معين بس هم فئة موجودة في بلدنا – ببقى شايل الهم ، ببقى متكلف جدا غصب عني من غير ما احس .. بحس أن الحياة صعبه عليا والكلام صعب وكل

 حاجة محسوبة كل خطوة ، كل حركة ، كل كلمة محسوبة العلاقات .. الإجتماعيات .. الأماكن ! كل حاجة بحساب .

 بس ناخد بالنا هنا ان في فرق كبير بين البساطه و إدعاء البساطه أو “العفاشة “، اللي هي انا اهو يا جماعة عايش وسط جموع المكافحين علشان انا بسيط زيهم وزي مانتو شايفين !! 

 في النهايه يبقى البسطاء هم الاصل و الباقي مدعيين 

 تعمدوا البساطه ولا تدًّعوها ..

ساعد الكاتب في تطوير مهاراته الكتابية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *